Првенец за Енис во новата средина: Барди со мирна завршница ја потврди победата за Бодрумспор (Видео)

Енис Барди ги промени клупските бои во зимскиот преоден рок и се пресели во тимот на Бодрумспор, а македонскиот репрезентативец денеска го постигна и својот првенец во новиот дрес.

Играчот за врска е важен фактор во обидот Бодрумспор да обезбеди опстанок во турската Суперлига, па со серијата од шест меча без пораз во домашното првенство, тимот сега е надвор од опасната зона.

Бодрумспор денеска победи на гостувањето кај Ризеспор со 0:2, а триумфот го потврди токму македонскиот фудбалер.

Барди биеше прецизно откосо од левата страна и во свој карактеристичен стил го совлада противничкиот голман, па така се израдува на својот првенец во Бодрумспор.

Овој погодок пристигнува во најдобро можно време за Барди, бидејќи нашиот капитен од утре ќе почне да размислува за собирот кој ќе го имаше во македонската фудбалска репрезентација.