Прва премиерлигашка победа за Аморим во Јунајтед, Челси ја надигра Астон Вила (ВИДЕО)

Манчестер Јунајтед го преслуша Евертон со 4-0 за прва победа на Рубен Аморим во Премиер лигата.

„Црвените ѓаволи“ ги користеа шансите, постигнаа погодоци во вистинско време и дојдоа до 5. славје во шампионатот во 13.натпревар. Рашфорд и Зиркзе на асистенции на Фернандеш стрелаа во првото полувреме, веднаш на стартот на второто полувреме Маркус со својот втор зголеми на 3-0 за да потоа редот одново му дојде на Холанѓанецот за потврда на убедливиот триумф на „Олд Трафорд“. (ТУКА можат да се погледнат головите)

Челси полесно од очекувањата се справи со Астон Вила. Четата на Мареска триумфираше со 3-0 преку головите на Џексон, Фернандез и Палмер. „Сините“ сега со 25 бода се на делба на второто место на табелата со градскиот ривал Арсенал (ОВДЕ можете да ги погледнете погодоците)

Во третиот меч од истиот термин Тотенхем и Фулам ремизираа играјќи 1-1 со два гола постигнати во второто полувреме.