Прва од топ 5 лигите во Европа: Серија А внесува голема ВАР иновација за новата сезона

Употребата на ВАР системот е дел од најдобрите лиги во Европа веќе пет години, но светските организации постојано работата на усовршување на технологијата и применувањето на истата.

И покрај тоа што најчесто се носат вистинските одлуки, ВАР не ги отстранува контроверзните ситуации во целост и се уште има некои несфатливи судиски потези, но за да се спречат било невкусни коментари за завери против одредени клубови, Италијанците сега одлучија да направат иновација со својот ВАР.

Серија А во новата сезона ќе биде единственото натпреварување во кое ВАР конверзацијата на судиите ќе биде јавно емитувана наредниот ден, односно ќе има снимен аудио материјал за најсомнителните одлуки и спорните ситуации.

– Аудио снимките за ВАР ќе бидат јавно достапни преку сервисот ДАЗН од стартот на новата натпреварувачка сезона. Започнавме иновативен проект со ДАЗН и ќе бидеме прва фудбалска федерација која со аудио ќе ги пренесе ситуациите за кои ќе има дискусија, – открива италијанскиот делегат на ВАР судии, Џанлука Роки.

Целта на проектот нема да биде да се пренесуваат и безначајните конверзации на судиите, туку само оние кои предизвикуваат бура од реакции во јавноста.