Прва изјава од Австралиецот кој купил кокаин во олимпиското село: Ги посрамотив сите од мојот тим

Случувањата во Олимпиското село секогаш остануваат во сеќавање на сите учесници од различни сфери на спортот, но таквото опкружување понекогаш знае да влијае и доста тешко за одредени поединци.

Спортистите доста често знаат да се жалат за условите кои се нудат во олимписките села, па иако такви случаи имаше и оваа година во Париз, сепак убедливо најинтесна е приказната која се рашири во изминатите два дена.

Австралискиот хокеј играч Том Крег се најде во средина на скандал, откако беше утврдено дека успеал да купи и да внесе кокаин во олимпиското село.

Крег е познат и стандареден член од австралиската хокеј репрезентација која се натпреварува на трева, но после последните случувања, австралиската Федерација му ги одзеема сите олимписки привилегии.

Според пишувањата, Крег минал 24 часа во притвор откако бил приведен од полицијата за прекршување на олимписката повелба, па сега пристигна и првата изјава откако бил ослободен од властите во Париз.

– Прво и основно, сакам да се извинам за тоа што се случи во изминатите 24 часа. Направив ужасна грешка и преземам максимална одговорност за моите постапки. Моите активности немаат никаква врска со останатите. Моите постапки не ги рефлектираат вредностите на моето семејство, на моите соиграчи, и на целиот австралиски олимписки тим. Ги посрамотив сите и навистина жалам за тоа што го направив, – изјавил Крег кој освои сребрен медал на Олимписките игри во Токио пред три години.