Прва изјава на долго очекуваното засилување: Во Јувентус постои само една опција

После долги и мачни преговори, Јувентус конечно го обезбеди потписот на Нико Гонзалес и го доведе од редовите на Фиорентина, па така Аргентинецот доби прва шанса да испрати порака како нов член на тимот на Тиаго Мота.

Крилниот фудбалер во прв момент доаѓа како позајмен фудбалер до крајот на сезоната за 8 милиони евра, со тоа што Јувентус ќе има обврска да исплати уште 30 милиони евра следното лето.

Гонзалес веќе се докажа како фантастичен фудбалер во Италија и се очекува да биде големо засилување за Јувентус, клуб во кој и самиот знае со какви амбиции се влегува во секој меч.

– Многу сум среќен што конечно го облеков овој дрес. За мене ова е остварување на сонот, среќно е цело мое семејство. Навистина сум многу среќен, од мал сонувам за ваков голем клуб.

– Едвај чекам да излезам на теренот и да почнам да играм со тимот. Знам што се бара во Јувентус. Во овој клуб, опција е „победа или победа“, не постои друго. Се надевам дека се ќе излезе како што треба во мојата нова авантура, – изјави Гонзалес.