Прв вистински кикс на Тиаго Мота: Јувентус остана без муниција на „Карло Кастелани“

Тиаго Мота не креваше паника по ремито со Рома на домашен терен пред две недели, но тренерот на Јувентус денеска сигурно ќе ги има првите посериозни грижи, бидејќи неговиот тим не триумфираше на гостувањето кај Емполи.

Јуве влезе како огромен фаворит за освојување на трите бода на стадионот „Карло Кастелани“, но не самошто остана без муниција, туку на моменти Емполи беше тој кој изгледаше како поопасен тим во завршната третина.

Домаќините очекувано играа повлечено и чекаа свои шанси преку контра напади, но иако не беа убиствени како на мечот против Рома, мора да се пофали фактот што останаа непоразени и по четвртото коло во Серија А.

Со една победа и три реми средби, Емполи има 6 бода во домашното првенство, два помалку од Јувентус кој сега го запиша второт реми во низа.

По шесте гола постигнати на првите два меча, Јувентус сега втор меч во низа не постигна гол, па јасно е дека медиумите од Торино ќе почнат со првите притисоци врз тренерот Тиаго Мота.