Прв стрелец: Разиграниот Симиќ го предводеше Борац до победа

Македонскиот репрезентативец, Теодор Симиќ го предводеше составот на Борац Бања Лука до победа во првенството на Босна и Херцеговина.

Во последниот меч од основниот дел Борац како гостин славеше над Промо со 78-60. Во прв план беше нашиот Симиќ кој беше во почетната петорка на фаворитот и за 23 минути на паркетот постигна 17 поени со што беше далеку најефикасен играч во својот тим (зад него беа Џерон и Делалиќ со по 10 кошеви)

Тед зад своето име додаде уште 3 скока, 3 асистенции, а имаше и 2 украдени топки.

Борац го заврши овој дел од шампионатот на второто место зад Широки Бријег, поточно на 22 средби запиша 18 победи и 4 порази.