Прв старт и веднаш гол: Дробаров стави точка на победата на Черно Море (ВИДЕО)

Поранешниот младински репрезентативец на Македонија, Влатко Дробаров пред некое време се врати во редовите на Черно Море каде денеска ја имаше улогата на стартер во дуелот со Септември Софија, а за довербата возврати со гол.

Дробаров по неуспешната епизода во Сараево направи кам-бек во Бугарија и тоа во клубот во кој имаше одлични настапи, па така минатата седмица доби неколку минути против Лудогорец, но сега се најде во почетната постава и го одигра целиот меч кој го круниса со погодок со глава во 67 минута.

Влатко се најде на вистински место по корнерот на домаќините и ги постави конечните 3-0 на пресметката во првата бугарска лига.

На спротивната страна активни од самиот старт беа Константин Чешмеџиев и Мартин Стојанов.