Прв пораз за Димитриоски и Димитриевски во АСОБАЛ лигата

Димитар Димитриоски и Дарко Димитриевски со нивниот Валјадолид го забележаа првиот сезонски пораз во АСОБАЛ лигата.

Валјадолид вечерва имаше тешко гостување кај Бидасоа Ирун, средба во која се прикажа во добро светло, но недоволно за поволен резултат поради послабата игра во второто полувреме.

Гостите водеа со 14-13 на полувреме, но тоа темпо не го задржаа по паузата, пред се играта во одбраната и му дозволија на противникот да направи пресврт и слави со конечни 31-27.

Салинас со 7 гола беше најефикасен кај победникот, поранешниот вардарец Толедо пак со 6 гола беше прв стрелец кај поразените. Димитроевски не се запиша во листата на стрелци, Димитроски даде два гола од три шута.

Валјадолид има четири бода, во следното коло ја пречекува големата Барселона.