Прв пораз на шампионот: Вардар му зема мерка на Пелистер во „Јане Сандански“

Ракометарите на Вардар 1961 изводјуваа победа над Еурофарм Пелистер од 27:24 во дерби натпреварот од 4. коло во Суперлигата.

Во битката на македонските ракометни великани овојпат подобар беше скопскиот состав кој покажа повеќе во СЦ „Јане Сандански“.

Се играше цврсто, борбено, а домаќините водени од своите верни навивачи „Комити“ се изборија за триумф, односно му го нанесоа на противникот првиот лигашки пораз во натпреварувачката 2024/2025. Вардар кој влезе далеку посвеж во овој натпревар го доби првиот дел со 15:11, предизвик на кој „фармацевтите“ одговорија во второто полувреме во кое во неколку наврати дојдоа до минус еден, ама немаа сила за нешто повеќе.

Најефикасни играчи во двете екипи беа Срдановиќ и Кузмановски со по осум погодоци.