Проведел имаше „ракометен излет“ надвор од шеснаесетникот, ВАР донесе контроверзна одлука (Видео)

Лацио постигна два гола во првото полувреме и ги контролираше случувањата на „Мапеи“ стадионот во Сасуоло, а во таква ситуација, најинтересната ситуација се случи после еден непотребен излет на Проведел.

Голманот на Лацио ризикуваше да заработи исклучување и првично му беше покажан црвен картон, па иако камерите не докажаа дека топката останала во шеснаесетникот, луѓето од ВАР ја променија одлуката.

Иако Проведел во прв момент беше испратен на туширање, долгата проверка од ВАР собата ја поништи првичната одлука на главниот арбитар, па така голманот на Лацио остана на терен.

Во такви услови, за гостите од Рим беше многу полесно да го сочуваат водството од првото полувреме, а така да стигнат и до нови три бода во Серија А.

Резултатот во првиот дел го отвори Фелипе Андерсон, а вториот гол беше дело на Луис Алберто.

😲Provedel interrompe così l’azione di gioco del Sassuolo: Di Bello espelle inizialmente il portiere. Il VAR, però, cancella il cartellino rosso. Decisione giusta? 🤔 #SassuoloLazio pic.twitter.com/a3rCU1rdoH

— calciomercato.it (@calciomercatoit) October 21, 2023