Прошталниот меч на Суарез донесе многу солзи во Монтевидео, со видео порака се обрати и Меси

Луис Суарез беше стартер на својот последен меч во кариерата како уругвајски репрезентативец, па сосема очекувано, по крајот на мечот имаше и многу емоции и специјални моменти на „Естадио Сентенарио“ во Монтевидео.

Неповторливиот „Ел Пистолеро“ стави крај на една незаборавно поглавје во својата кариера и одлучи дека е време да им остави простор на помладите, но начинот на кој беше испратен во репрезентативна пензија најдобро покажува какво наследство и каков пример остави за младите генерации од својата земја.

Суарез беше испратен со сите почести и на церемонијата се појави и легендарниот селектор Оскар Табарез, па солзите дефинитивно беа неизбежни за напаѓачот, но и за сите негови блиски членови од семејството.

Емотивен беше и моментот кога на видео бимот беше прикажана и пораката од најдобриот пријател на Суарез, единствениот Лео Меси.

– Здраво дебели…. Сакав да го испратам ова видео во овој специјален ден за тебе, за твоето семејство, за сите луѓе во Уругвај и за фудбалските фанови ширум светот. Ти даде се за твојот национален тим и за твојата земја. Јас бев секогаш на твоја страна и знам колку ти беше тешко да ја донесеш оваа одлука, бидејќи добро знам што ти значи играњето за Уругвај.

– Ти оставаш големо наследство за денешната генерација и за генерациите кои следат. Ова е крај на многу важна етапа во твојата кариера, но се надевам дека има уште многу за тебе во фудбалот. Среќен сум што повторно играме заедно и што уживаме секој ден. Голема прегратка, те сакам многу, – гласи пораката од Лео за Суарез.

I’m happy we’re back to playing together on the same team and enjoying each day. Big hug, I love you very much.”

More on Tribuna.com:
https://tribuna.com/en/news/fcbarcelona-2024-09-07-hello-fatty-leo-messi-sends-luis-suarez-a-heartfelt-farewell-message-ahead-of-his-final-g/?utm_source=copy