Проштална вечер за крај: Шкупи остана без својот главен спонзор (Фото)

Шкупи замина на репрезентативна пауза со пораз од Вардар во скопското дерби, резултат по кој се појавија шпекулации дека ќе следат важни хиерархиски промени во клубот од Чаир.

Македонскиот шампион од 2022-ра година денеска официјално објави дека Олгун Ајдин се повлекол од претседателската функција и дека веќе нема да биде главен спонзор на клубот, а за да има најдобар можен крај, првиот човек на клубот ги собрал најблиските соработници на проштална вечера.

– Претседателот Олгун Ајдин го најави своето заминување од ФК Шкупи на вечерата на која беа сите негови вработени. Истиот предупреди за вакво нешто веднаш по мечот против Вардар, а вечерва доби и официјална форма.

– Олгун Ајдин го презема Шкупи и почна да го спонзорира во 2018-та година, а веќе во првата сезона изборивме излез во Европа. Со Олгун Ајди како претседател, Шкупи покрај тоа што пет пати во низа играше во Европа, во 2022-ра стана и национален шампион, враќајќи го трофејот во Чаир после 21 година.

– Ова се бројките кои зборуваат за успесите на нашиот клуб под раководство на претседателот Олгун Ајдин, кој во понеделникот го најави своето збогување преку видео обраќање, – гласи соопштението на клубот.