Промоција на италијанскиот спорт и италијанскиот фудбал

Во италијанската амбасада во Скопје беше одржан прелиминиран состанок за промоција на италијанскиот спорт, при што беше согледано дека најголем интерес во Македонија има за фудбалот и фудбалските натпревари од италијанските фудбалски првенства.

Затоа на состанокот беа повикани и членовите на регистрираните навивачи на италијанските тимови кои имаат свои локални клубови во Македонија, при што амбасадорот Андреа Силвестри ги сослуша сите искажувања околу организацијата и бројноста на членството.

На прелиминарниот состанок беа присутни навивачи од македонските фан клубови на Јувентус, Милан, Интер и Лацио, а беше најавено дека во постапка за регистрација има и други.

Идејата за организација на настанот ќе биде натаму евалуирана, а потоа и реализирана пред крајот на оваа година.