Променливиот Лацио му го нанесе првиот пораз на Торино (Видео)

Лацио игра променливо и под водство на новиот тренер Марко Бараони, па така по минатонеделниот пораз од Фиорентина, денеска тимот од престолнината оствари победа во Серија А.

„Лацијалите“ играа против Торино кој во овој меч влезе како непоразен тим на стартот на сезоната, но гостите се погрижија за горчлив вкус кај домаќините, кои попладнево загубија со 2:3.

Лацио подобро го отвори натпреварот и поведе со голот на Гендузи, но истото важеше и на почетокот на второто полувреме, кога Дија зголеми на 0:2.

Торино се врати во игра преку Адамс, но Нослин постигна гол за 1:3 во 89-та минута и практично го реши прашањето околу победникот.

Иако домаќините до крајот постигнаа уште еден гол преку Коко, трите бода за Рим ги однесоа небесно сините.

Видеото погледнете го ТУКА