Промени во составот на англиската репрезентација: Саутгејт повика три нови имиња за соочувањето со Македонија

Репрезентацијата на Англија ќе игра против Малта и Македонија во наредниов период, мечеви за кои селекторот Герет Саутгејт беше принуден да направи промени во составот со оглед на тоа што неколку играчи мораа да го откажат настапот поради повреди.

Имено на списокот на Саутгејт беа Џејмс Медисон, Луис Данк и Калум Вилсон, меѓутоа оваа тројка дефинитивно отпаѓа од комбинација и поради тоа се повикани нови фудбалери, тројца дебитанти во А селекцијата.

Прв повик во националниот тим добија Кол Палмер од Челси, Рико Луис од Манчестер Сити и Езри Конса од Астон Вила.

На оваа листа на недостапни се уште го нема Џуд Белингем, ама и тој има одредена повреда, Карло Анчелоти веќе јасно порача дека не е спремен и сега се очекува тоа да биде констатирано од медицинската екипа на англиската селекција.

„Гордиот албион“ на 17 ноември ќе ја пречака Малта, а пак на 20 ќе и гостува на Македонија на националната арена „Тодор Проески“ во Скопје.

An update to the #ThreeLions squad as @EzriKonsa, Cole Palmer and Rico Lewis receive their first senior call-ups…

— England (@England) November 13, 2023