Промена кај МЗТ Скопје: Мајсторовиќ си замина, се врати играчот кој носи титули

majstorovic

По поразот во вечното дерби од Работнички бранителот на титулата во нашиот шампионат МЗТ Скопје направи промена во играчкиот кадар.

Од Аеродром си замина центарот Ѓорѓе Мајсторовиќ и тоа со спогодбен раскин на договорот. Од него се очекуваше многу повеќе сезонава, но на 14 средби во АБА лигата имаше скромен учинок од 4,8 поени и 2,7 скока. „Металците“ му се заблагодарија за прикажаното и направеното, но и воедно објавија дека од денеска нив член е Стефан Синовец.

Станува збор за многу познат лик кај „штрковите“, ова за него е четврто враќање во оваа средина со тоа што во претходните сезони 2013/14, 2014/15 и 2016/17 секогаш успеаваше да слави титула. Српскиот интернационалец посакува и четврти трофеј со тоа што новото патување би требало да го започне на задутрешната пресметка со Кожув во салата „Јане Сандански“.

Facebook Коментари