„Проектилот“ на Рашфорд предизвика еуфорија меѓу гостинските фанови на „Итихад“ (Видео)

Маркус Рашфорд добива многу критики за својата форма од стартот на сезоната, но денеска фановите на Јунајтед ќе заборават на лошите игри, особено ако нивниот омилен тим победи на тешкото гостување кај Манчестер Сити.

Големото градско дерби започна со голема доминација на Сити и играчите на Ерик Тен Хаг беа притиснати во својата половина, но првиот посериозен напад заврши со гол во мрежата на Едерсон.

Онана успеа да го проигра Бруно Фернандеш и лошата поставеност на Аке направи да нема офсајд, а потоа следеше ремек-дело за најавните шпици.

Маркус Рашфорд испрати неверојатен проектил и постигна еден од најубавите голови во својата кариера, ако не и најубав ако се земе во предвид ривалот против кој игра попладнево.

Топката доби импресивна брзина и од гредата заврши во мрежата на Едерсон, па така Јунајтед дојде до водство по 8 минути игра.

Ремек-делото погледнете го ТУКА