Продолжува „војната“ во Ф1 уште пред стартот на сезоната: Никогаш нема да бидам пријател со Ферстапен

Макс Ферстапен и Џорџ Расел влегоа во вербална „војна“ на крајот на минатата сезона и стана јасно дека постои нетрпеливост меѓу двајцата, а истата се продлабочува во подготовките за новата натпреварувачка кампања.

Ф1 шампионатот ќе стартува на средина на месец март со трката во Австралија, но пред да дојде до тоа, возачот на Мерцедес постави „заштитен бариера“ околу себе и посочи дека не планира да го поправи односот со актуелниот светски шампион.

– Немам никаква намера да разтоварам со него, тоа е моето искрено мислење. Воопшто не ме интересира што прави, сакам да се фокусирам на себе.

– Работите излегоа од контрола на крајот на сезоната и јасно е дека нема да бидеме најдобри пријатели. Тоа нема да го видите со сигурност, – вели Расел, а на слична бранова должина е и Макс.

– Немам намера да продолжам со караници, или нешто слично. Не се грижам за него и за неговото возење. Нема да го менувам стилот или возењето ако сум блиску до него, ќе се тркам како против било кој друг возач, – порачува Ферстапен.