Продолжува трансфер сагата: Усман Дембеле се јави со официјално соопштение

Барселона преку своите највисоки претставници во текот на вчерашниот ден и официјално потврди дека приказната за Усман Дембеле во каталонскиот клуб е готова.

Младиот француски фудбалер одбиваше да го потпише договорот кој му беше понуден, барајќи нереална сума на пари за да остане на „Камп Ноу“.

Од раководството на Барселона не потпаднаа под притисокот, па најавија дека во јануари Дембеле ќе биде продаден, во спротивно нема да добива голема шанса за настап во тимот на Чави.

По ваквите најави, со официјално соопштение се јави и самиот фдбалер кој нагласи дека е подготвен да му помогне на Чави.

– Не мислам дека сум исфрлен од проектот. Нема да зборувам за моите намери, имам договор и сум на располагање на Чави. Нема да се откажам. Преговорите се во тек, мојот агент ја води таа работа, јас сум фокусиран само на теренот, -напиша меѓу другото Дембеле во своето соопштение.