Проблеми за клубот од Рим: Лацио остана без двајца важни играчи

Лацио е во одлична форма, ритам кој сигурно ќе сака да го задржи и во наредниов период, поточно по паузата од две недели поради репрезентациите.

Прв предизвик за лацијалите е составот на Болоња со кого ќе ги одмере силите на 24 ноември, средба за која тренерот Барони дефинитивно нема да може да смета на сите играчи.

Клубот од Рим доби негативни вести за најдобриот асистент во оваа сезона, летното засилување Нуно Тавареш кој е повреден и ќе мора да паузира одредено време. Тој во најмала рака ќе ги скокне соочувањата со Болоња и Лудогорец во Лига Европа.

Во „аут“ овој викенд ќе биде и офанзивецот Педро кој „Скај Спорт Италија“ има проблем со стомакот, па нема да се ризикува со него. Шпанецот во досегашниот тек на шампионатот игра како во најдобрите времиња и неговото отсуство заедно со она на Нуно нема да биде едноставно да се надополни.