Проблеми за Интер и Италија: Бастони се повреди, ќе пропушти важни натпревари

Алесандро Бастони се повреди и нема да и биде достапен на италијанската репрезентација и неговиот Интер во наредниов период.

Дефанзиевцот со соочи со проблем на тренингот со нациоланиот тим, а деталните медицински прегледи покажаа дека истиот е од посериозна природа и тој ќе биде во „аут“ некое време.

Проблемот со мускулот ќе го оневозможи да биде во комбинација за средбите на Италија со Македонија и Украина кои се играа следниве денови, но исто така се очекува да ги скокне натпреварите на Интер со Јувентус, Бенфика и Наполи.

Ова е удар за Спалети и Инѕаги, па така италијанскиот селектор веќе го повика Џанлука Манчини од Рома, додека Симоне ќе мора да пронајде решение во постоечкиот кадар.

Кога се работи за Италија, голманот Карнезеки беше дополнително повикан како засилување со оглед на тоа што „грипосан“ е Викарио.