Проблеми за Инѕаги: Две нови повреди во редовите на Интер

Актуелниот италијански шампион Интер веќе го загуби засилувањето Меди Тареми на неколку недели, а тренерот Симоне Инѕаги денеска морал да се соочи со уште две лоши вести.

Лекарскиот тим на „нероазурите“ го информирал тренерот дека повреди заработиле и Пјотр Зјелински и Марко Арнаутовиќ, комбинација на нов фудбалер и фудбалер кој Интер планираше да го активира на трансфер пазарот за евентуално да финансира ново засилување.

Иако не се работи за сериозни повреди и деталните тестови ќе покажат колку долго ќе мора да паузираат, ова не е најпосакувана ситуација за тренерот на две недели до почетокот на новата сезона.

Ова посебно важи за нападот, каде Интер остана само со Лаутаро и Тирам, а двајцата имаа подолги одмори поради настапите за своите репрезентации.

Медиумите тврдат дека Интер веќе размислува за доведување уште еден напаѓач, кој ќе може да им помага на играчите кои покажаа најмногу минатата сезона.