Проблем за Реал: Мбапе оди на принудна пауза

Повредата на Килијан Мбапе сепак е посериозна и Французинот ќе мора да паузира неколку недели, – пренесуваат шпанските медиуми.

Тренерот Карло Анчелоти излезе со оптимистичка изјава по дуелот со Алавес, но очигледно мускулната повреда на засилувањето е од посериозен карактер и Реал Мадрид нема да смета на Мбапе наредниот период.

Тоа значи дека Мбапе ќе го пропушти првото градско дерби со Атлетико Мадрид, односно Реал ќе треба да атакува на победата на „Метрополитано“ без еден од најважните играчи.

Проценките се дека Мбапе ќе паузира три недели и веројатно нема да се врати во тимот се до крајот на следната пауза за настап на репрезентациите.

Французинот вчера побара замена во второто полувреме на дуелот со Алавес и експресно беше изваден од игра, а првично беше објаснето дека се работело само за претпазливост.