Проблем за „кралевите“: Реал останува без Ридигер во клучен дел од сезоната

Реал Мадрид останува без својот најдобар дефанзивец Антонио Ридигер во наредниов период, период кој е клучен затоа што клубот има обврски во три различни натпреварувања првенството, Купот и Лигата на шампионите.

Германецот се повреди на вчерашниот меч со Еспањол на кој беше заменет во 15 минута од страна на Раул Асенсио. Реал денеска го потврди проблемот со мускулот на десната нога, па иако од клубот не дадоа точна прогноза за тоа колку време ќе паузира, медиумите блиску до клубот пренесуваат дека паузата ќе биде меѓу две-три недели.

Тимот од „Бернабеу“ во следниве 20 дена имаат соочувања со Леганес во Копа Дел Реј, Атлетико Мадрид и Осасуна во Примера и двомеч со Манчестер Сити во Лигата на шампионите, па останува да се види кога и дали Ридигер ќе може да помогне на некои од овие натпревари.