Проблем за Џирона: Двајца искусни соиграчи на Миовски одат на принудна пауза

Џирона не може да се пофали со посакуван старт на сезоната во Ла Лига, а во меѓувреме загуби и двајца искусни фудбалери.

Тренерот Мичел наредниот период нема да смета на Ориол Ромеу и Дејли Блинд подолг период, а причина се повредите кои двајцата играчи ги заработија на дуелот со Селта.

Ромеу беше повлечен од игра уште во првиот дел и заработил мускулна повреда на бицепсот на ногата и денеска клубот потврди дека ќе паузира околу два месеца.

Слично сценарио се случи и со Блинд, кој пак одигра вкупно 38 минути во Виго и мораше да се пресели во соблекувалната, а неговата повреда е најава за пауза од еден месец, велат од лекарскиот тим на Џирона.

Тимот на нашиот Бојан Миовски е во серија од шест натпревари без победа, а утре ќе се обиде да ја прекине серијата на домашен терен против Феенорд.