Проблем и во Бетис, тројца играчи на клубот позитивни на коронавирусот

Тестирањата и во Шпанија откриваат проблеми поврзани со коронавирусот кои би можеле да го одложат враќањето на фудбалските возбудувања.

Во текот на вчерашниот ден медиумите во Шпанија потврдија дека тројца играчи на Реал Бетис се заразени со коронавирусот.

Во најголемите шпански клубови Барселона и Реал Мадрид тестирањата не покажаа позитивни лица на коронавирусот, но затоа позитивни има ов Атлетико Мадрид, Реал Сосиедад, Севилја…

„Каденасер“ сега откри дека тројцата играчи кои се позитивни од Бетис немале никакви симптоми, а следните две недели ќе ги минат во домашна изолација.

Правило кај сите фудбалери што се заразени е тоа што ќе бидат тестирани на секои 72 часа за детално да се утврдува нивната состојба.

Во Шпанија излезе статистика која говори дека се очекува најмалку 30 фудбалери да бидат позитивни на тестирањата за коронавирусот.