Пристигна официјална потврда од Германија: Барселона отпочна преговори за примарната трансфер мета на Флик!

Барселона се откажа од Нико Вилијамс поради високите барања на Атлетик Билбао, но од друга страна, вложува максимални напори за да добие друга шпанска ѕвезда од Европското првенство.

Каталонската експедиција предводена од Деко денеска замина во Германија на преговори за Дани Олмо, а оттаму пристигнува информација и дека Ред Бул Лајпциг како клуб е подготвен за отворена конверзација.

Германскиот клуб ова попладне го презентираше својот нов спортски директор, кој веќе во првите неколку часа може да ја има најтешката задача во својата кариера.

Марсел Шафер на германските новинари им потврдил деека интересот на Барслеона е навистина многу сериозен, додавајќи дека сите во клубот се отворени за преговори и за продажба, но под нивни услови.

– Подготвени сме да зборуваме и да преговараме за Дани. Сепак, Олмо има одредена вредност и затоа сме во навистина комотна ситуација. Дани е извонреден фудбалер и знаеме колку вреди, – изјавил Шафер пред самиот старт на денешните преговори.