Поврзете се со нас

Европски првенства

Претставена е топката со која ќе се игра ЕП во 2024 година (ФОТО)

Објавено

на

foto:www.sportstourismnews.com/

Наредната 2024 е година која на фудбалски план ќе биде одбележана од Европското првенство кое ќе се одржи во Германија.

Токму за овој настан УЕФА и Адидас ја промовираа фудбалската топка која го носи името „Фусбаллибе“ или во превод тоа значи „љубов кон фудбалот“.

Дизајнот го претставува движењето на топката и енергијата на играта преку истакнати црни форми на крила нагласени со шарени рабови, кривини и точки.

Употребата на задебелени црвени, сини, зелени и портокалови бои ја слави и енергичноста што натпреварувачките нации ја носат на турнирот и чистата едноставност на фудбалот што привлекува толку многу љубов од навивачите ширум светот. Илустрациите на секој од стадионите на турнирот се појавуваат на топката заедно со името на секој град домаќин.

Она што би требало да претставува новост е револуционерната технологија, со истата може поефикасно да се следи секое движење на топката и тоа на секој дел од теренот, односно се очекува да биде од голема помош за ВАР-анализите.

ЕП ќе се одигра од 14 јуни до 14 јули.

Реклама
Реклама
Реклама

Популарни