Премиерлигашите за една година исплатиле 318 милиони фунти само за агентите

Клубовите од англиската Премиер лига потрошиле речиси 320 милиони фунти само за провизиите наменети за агентите на фудбалерите.

Финансискиот пресек од 1. февруари 2022 до 31. јануари 2023 година покажал дека агентите вкупно заработиле 318,2 милиони фунти, што е зголемување во однос на претходната година (272,6 милиони фунти).

Манчестер Сити издвоил 51,5 милиони, а овој период го покрива доаѓањето на Ерлинг Халанд од Борусија Дортмунд.

Следен на списокот е Челси кој направи 15 значителни трансфери, вклучувајќи неколку заеми, при што на агентите им има исплатено 43,1 милиони фунти.

Следуваат Ливерпул со 33,6 и Манчестер Јунајтед со 24,7 милиони фунти само како трошок за агентите инволвирани во трансферите.

И покрај тоа што реализираше многу трансфери, Нотингем Форест исплатил само 4,35 милиони фунти.