Премиерлигашите сакаат да го „грабнат“ пријателот на Елмас од Наполи

Калчолигашот Наполи има фантастична сезона која ако нема некое чудо ќе ја круниса со пехар во Серија А, а останува да се види што може да направи во Лигата на шампионите каде обезбеди место во четвртфиналето во кое ќе ги одмери силите со Милан.

Доста играчи со своите партии се најдоа во фокусот на вниманието и ќе биде интересно како Наполи ќе се одбрани од нападите во летниот преоден рок. И самиот клуб има направено некој пропушти како што е случајот со Ким Мин-Џае, а тоа сакаат да го искористат премиерлигашите.

Имено Ил Матино пренесува дека дефанзивецот од 1 јули ќе има откупна клаузула од 50 милиони евра, сума која во денешниот елитен фудбал е доста мала са играч кој блескаше и затоа Ливерпул, Манчестер Јунајтед и Тотенхем се подготвени да нападнат за услугите на репрезентаитвецот на Јужна Кореа.

Ким пред само една година дојде од Фенербахче за 20 милиони евра што би значело дека калчолигашот повторно би заработил, ама не сигурно колку што би посакал првиот човек Аурелио Де Лаурентис.

Мин-Џае има 26 години, претходно освен во својата татковина има настапувано и во Кина. Тој е еден од играчите кој има и одличен однос со нашиот Елиф Елмас, а тоа го имаа покажано јавно во повеќе наврати,