Премиер лигата објасни зошто Рајс доби црвен картон (Фото)

Арсенал ги загуби првите бодови во новата натпреварувачка сезона и тоа во меч на кој малку се очекуваше такво нешто, но како пресуден момент се покажа стартот на вториот дел кога Деклан Рајс заработи црвен картон.

„Топчиите“ имаа предност до тој момент и потоа Брајтон ја искористи предноста од играч повеќе за да дојде до израмнување, нешто што предизвика голем револт кај навивачите, но и кај менаџерот Микел Артета.

Шпанскиот стручњак по мечот се пожали дека не добил објаснување за бизарното исклучување кое го доби играчот за врска, но всушност Премиер лигата официјално даде кратко образложение за ситуацијата од 49-та минута.

Артета: Зачуден сум, судиската одлука го промени текот на мечот (Видео)

Велтман лукаво го насамари Рајс и изнуди втор жолт картон за противникот и покрај тоа што тој му зададе удар, но објаснувањето на Премиер лигата е дека Деклан заслужил исклучување поради тоа што попречил брзо изведување на прекинот.

– Судијата му додели втор жолт картон на Деклан Рајс поради одложување на рестартот на играта, – порачаа од Премиер лигата.

#ARSBHA – 48’

The referee issued a second yellow card to Declan Rice for delaying the restart.

— Premier League Match Centre (@PLMatchCentre) August 31, 2024