Премиер лигата ќе има два преодни рока во текот на летото

Англиската Премиер лига, односно нејзиното раководство и клубовите денеска официјализираа дека летниот преоден рок во 2025 година ќе биде поделен на два дела.

Првиот слот за трансфери ќе трае од 1 до 10. јуни, додека вториот ќе започне на 16. јуни и ќе трае до 1. септември.

Првиот преоден рок ќе биде можност за клубовите да се засилат пред почетокот на Светското клупско првенство, а кратката пауза до вториот преоден рок е условена од желбата истиот да трае до крајот на август, односно додека трае преодниот рок во другите европски првенства.

Минатата година, преодниот рок во Премиер лигата траеше од 14 јуни до 30 август.

Манчестер Сити и Челси ќе бидат англиски претставници на клупскиот мундијал во САД кој започнува на 15. јуни, а покрај првата можност за ангажирање нови играчи, ќе можат да регистрираат засилувања и пред почетокот на нокаут фазата, односно од 27 јуни до 3 јули.