Пред повеќе од две децении Лазаров го постигна првиот гол за Македонија на големите натпреварувања (ВИДЕО)

Македонската ракометна репрезентација денеска го започнува својот настап на Светското првенство во Египет и тоа против селекцијата на Шведска во мечот кој е закажан за 20:30 часот.

Ова е дуел, првенство кое ќе биде специјално за нашиот капитен, лидер Кире Лазаров затоа што токму во Египет пред 22 години го имаше својот прв настап за Македонија на големите натпреварувања.

Тогаш тинејџерот Лазаров играше со Манасков, Зарков, Чурлевски…, а на 19 години против Саудиска Арабија го постигна дебитанскиот погодок на мундијата, големите ракометни собири. Еве како изгледаше првиот гол на Кире во „црвено-жолтиот“ дрес пред 22 години.