Пред неколку години беше трета најдобра тенисерка, а сега вежба со автоматска пушка во Харков (Фото)

Елина Свитолина реши да го пропушти завршниот дел од сезоната на ВТА турот и последниот настап го забележа на Ју-Ес Опен, а главна причина за тоа е операцијата која ја направи на стапалото.

Украинката во последно време се самомотивираше со објави на социјалните мрежи на кои открива во која насока оди нејзиниот напредок, но последната објава ја посвети на својата родна земја која се уште е во воен фронт.

Свитолина одлучила да посети еден од најпогодените градови во изминативе две години, па од Харков испорача фотографии кои ја натераа да објави и емотивна порака.

Тенисерката која беше светски рекет број 3 во 2017-та година го замени рекетот со автоматски пушки и огнени оружја, а вежбите ги искористила за да им даде поддршка на украинските бранители.

– Харков има посебно место во моето срце. Градот кој ми даде чувство на вистински дом кога мојата професионална кариера започна овде на 12-годишна возраст. Град кој продолжува да дава топлина и заштита за време на големата војна. Ако ме прашувате каде ја наоѓам мотивацијата да се борам на спортските терени? Тоа се мојата земја, мојот народ, мојот Харков и нашите херои, – порачува Свитолина која инаку е сопруга на Гаел Монфис.

View this post on Instagram

A post shared by Elina Monfils (@elisvitolina)