Пред четири месеци ја освои Лига Европа, вечерва доби отказ (Фото)

Хосе Луис Мендилибар беше спасител на Севилја минатата сезона и поради освоената титула во Лига Европа доби нов договор, но четири месеци подоцна, работите изгледаат многу поинаку во Андалузија.

Искусниот фудбалски стручњак ги освои симпатиите со својата прагматичност која го однесе тимот до титулата во Будимпешта, меѓутоа лошиот старт на сезоната резултираше со отказ доцна вечерва.

Севилја ја информираше јавноста дека е дојдено до разделба со 62-годишниот фудбалски стручњак, сето тоа како последица на разочарувачките резултати во новата сезона.

Двете победи на 11 натпревари и осумте освоени бода во осум кола во Ла Лига се премалку за клуб со амбиции како Севилја, а на крајот испадна дека на Мендилибар му пресудија Столе Димитриевски и неговите соиграчи.

Севилја вчера влезе на мечот со Рајо Валјекано со голем императив да победи, но на крајот се спасуваше од пораз со гол во 96-та минута. Голот за 2:2 му донесе реми на домашниот тим, но тоа не беше доволно за Мендилибар да си ја спаси работата.

ℹ️ José Luis Mendilibar has been relieved of his duties as #SevillaFC coach.

Thank you for everything, José Luis.

— Sevilla FC (@SevillaFC_ENG) October 8, 2023