Поврзете се со нас

Шпанија

Познато кој ќе ја наследи „8-та“ на Крос во Реал Мадрид

Објавено

на

Foto:twitter.com/realmadrid

Тони Крос пред два дена ја извести јавноста дека ќе замине во пензија по крајот на оваа сезона и автоматски се претвори во топ тема во шпанската јавност, бидејќи пред него се последните два натпревари како играч на Реал.

Германецот претсојниот викенд ќе го одигра последниот натпревар на „Бернабеу“ против Бетис, а потоа големото финале во Лигата на шампионите ќе биде последен меч за него на клупски план.

Крос најави дека целосно ќе се повлече по крајот на Европското првенство кое се игра во родната Германија, па покрај тоа што ќе остави голема празнина со неговото заминување, доста интересно ќе биде да се види кој ќе го наследи неговиот број во Реал.

„8-та“ беше симбол за Крос во изминатата деценија и Тони максимално добро го оправда значењето на овој број, кој како што најавуваат угледните мадридски медиуми, наредната сезона ќе замине во рацете на Феде Валверде.

Уругваецот многумина го сметаат за природен наследник на Крос во средниот ред на Реал, па угледниот „АС“ меѓу редови ја протолкува изјавата на самиот Германец и уште отсега заклучи дека Феде ќе биде тој што ќе го носи бројот на својот идол во сезоната која ќе следи.

– Имаш се што треба за да бидеш лидер и капитен на тимот во иднина. Јас секогаш ќе бидам на твоја страна и утре ќе зборуваме за други теми…. за бројот 8, – му порача Крос на Валверде откако овој емотивно се отвори за најавеното пензионирање на Германецот.

Реклама
Реклама
Реклама

Популарни