Познато име во Тетово: Тотре одново ќе го носи дресот на Шкендија (ФОТО)

Поранешниот македонски шампион Шкендија успеа да ги обезбеди услугите на 26-годишниот играч за врска, Енур Тотре.

Ова за Тотре е кам-бек во клубот од кого потекнува и за кого играше седум години во првата екипа пред да се пресели во Тирана, а потоа и во Ворскла (Украина) од каде доаѓа на позајмица до крајот на сезоната.

-Многу е убаво чувство да се вратам дома, во клубот каде што пораснав и се потврдив како фудбалер. Шкендија има посебно место во мојот живот и јас сум многу среќен што пак ќе можам да придонесам за овој дрес. Му благодарам на клубот за оваа можност и се надевам дека заеднички ќе ги оствариме целите, -порача повремениот македонски репрезентативец.

Тотре замина во Анталија каде им се приклучи на соиграчите во подготовките за вториот дел од шампионатот.