Поврзете се со нас

Репрезентација

Познато е како Македонија може да дојде до СП во 2023 година (ВИДЕО)

Објавено

на

Македонската кошаркарска репрезентација успешно ги заврши претквалификациите за Светското првенство, односно како првопласирана во конкуренција на Словачка и Швајцарија се избори за место во наредната фаза за мундијалот кој во 2023 се игра во Јапонија, Индонезија и Филипини.

Сега се огласија од ФИБА и објаснија како ќе се игра во квалификациите, односно нашите кошаркарки репрезентација знаат што ги чека и што мора да поминат за да дојдат до Светскиот Куп.

ФИБА одлучи малку да го промени системот, па во прват, 32 репрезентации во европските квалификации ќе бидат поделени во осум групи од по четири. Првопласираните три од секоја група одат во следната фаза каде се спојуваат со друга и ги пренесуваат бодовите од првата фаза.

Тоа значи дека во втората етапа ќе има четири групи од по шест репрезентации, но нема да се почнува од „нула“. Пласман на Мундобаскетот обезбедуваат првите три репрезентации од новоформираните групи, односно од втората фаза.

Првата етапа ќе се игра во три прозорци: од 20 до 30 ноември 2021, од 21 февруари до 1 март 2022 и од 27 јуни до 5 јули 2022 година. Во втората етапа ќе се игра од 22 септември до 30 август 2022, од 7 до 15 ноември 2022 и од 20 до 28 февруари 2023 година, со по два натпревари во секој прозорец.

Ждрепката за квалификациите за Светското првенство ќе се одржи на 31 август (12.часот) во Куќата на кошарката „Патрик Бауман“ во Мие, а на неа првпат во историјата ќе учествува и македонската репрезентација.

Реклама
Реклама
Реклама

Популарни