Познато е каде Силва сака да ја продолжи кариерата

Искусниот Тијаго Силва го завршува својот договор со Пари Сен Жермен кој е со важност до крајот на следниот месец што значи дека можеби веќе го одиграл последниот меч за оваа екипа со оглед на тоа што францускиот шампионат беше затворен, решен порано од предвиденото поради пандемијата со коронавирусот.

Силва од 2012 година е дел од „светците“, освои многу титули, па се уште се надева дека може и понатаму да остане во француската престолнина.

-Тој е многи приврзан за ПСЖ, навивачите и Франција. Без разлика дали авантурата ќе продолжи во ПСЖ, ние ќе се враќаме во Париз да ги гледаме нашите пријатели. Ама за нас ќе биде одлично да продолжиме во ПСЖ, го сакаме клубот, градот, Франција. Тука нашите деца пораснаа и сакаме да го продолжиме кариерите во Париз, -истакна сопругата на стоперот, госпоѓата Изабел.