Познат точниот датум кога ќе продолжи Ла Лига

Откако германската Бундеслига одлучи да го рестартира првенството на 15 мај, сега стигнуваат информации дека конечна одлука за продолжување донеле и од Шпанија.

Ла Лига веројатно ќе продолжи еден месец подоцна од првенството во Германија, на 20 јуни, а ќе трае до 26 јули.

Оваа вест иако не е официјално потврдена од шпанските фудбалски власти, истата ја пренесе тренерот на Легањес, Хавиер Агире.

– Веќе имаме првична дата за продолжување на првенството, а тоа е 20 јуни, -изјави Агире во интервју за „Марка“.

Агире потврди дека натпреварите ќе се играат во сабота и недела, како и во среда и во четврток со цел што побрзо да се заврши натпреварувањет.

Во Ла Лига се останати уште 11 кола, а Барселона и Реал Мадрид до самиот крај ќе водат жестока битка за освојување на титулата. „Каталонците“ во моментов имаат 58 бода и се на врвот на табелата, додека Реал Мадрид има два бода помалку.