Познат српски судија доби затворска казна поради пристрасно судење (Видео)

Еден од најпознатите српски судии, Срѓан Обрадовиќ е осуден на 15 месеци затвор поради искористување на службената позиција за местење на натпревари.

Освен затворската казна, Обрадовиќ доби забрана за било каква фудбалска работа под капата на Фудбалската федерација на Србија во траење од цели десет години.

Вишиот суд во Нови Сад го осудил судијата од Јагодина поради обвиненијата за злоупотреба на положбата на натпреварот помеѓу Спартак и Раднички Ниш.

На овој натпревар Обрадовиќ го фаворизирал домашниот тим за кого досудил и непостоечки пенал, ставајќи го во далеку поповолан позиција од тимот од Ниш кој беше конкурент на Спартак за излез во Европа.

Обрадовиќ освен скандалозниот пенал покажал и два црвени картони на фудбалерите на Раднички Ниш, а сега за тоа ќе мора да си ја плати казната и да помине нешто повеќе од една година зад решетки.