Поврзете се со нас

Светски првенства

Познат комплетниот распоред за квалификациите: Отвораме против Романија, Германија ќе гостува во Скопје на државен празник! (Фото)

Објавено

на

blank

По вчерашната ждрепка во Цирих на која ги дознавме нашите пет противници во квалификациската група за Светското првенство во Катар, денеска одговорните луѓе на ФИФА го објавија и целосниот распоред за одигрување на натпреварите на стариот континент, а нас секако најмногу не засегаше редоследот на натпревари во групата Ј.

Објавениот календар ни ги откри сите денови и саатниците во кои ќе се играат натпреварите, по што стана јасно дека Македонија ќе ги стартува квалификациите против Романија на гостински терен на 25-ти март наредната година во 20:45 часот, а истите ќе ги завршиме против селекцијата со која според прогнозите треба да се бориме за второто место во групата.

Македонија ќе го пречека Исланд на домашен терен во последната квалификациска рунда на 14 ноември 2021-ва година во 18:00 часот, а две рунди претходно, македонската јавност за првпат ќе ужива во еден дуел со четирикратниот шампион Германија на домашен терен.

Интересно, Германија ќе гостува во Скопје на државен празник, односно на 11 октоври наредната година кога традиционално се слави „Денот на востанието“.

На „панцирите“ ќе им гостуваме во Германија на 31-ви марти во 20:45 часот во рамките од третото квалификациско коло, а претходно во второто ќе играме против Лихтенштајн на домашен терен (28 март) по најавената премиера против Романија.

Од четвртото до седмото ќе играме против Ерменија, Исланд и Романија пред празничниот дуел со Германија, а за крај на ќе играме против Ерменија на 11-ти ноевмври и против Исланд на домашен терен на 14-ти истиот месец.
blank

Реклама
Реклама
Реклама

Популарни