Познат е новиот клуб: Магдевски повторно ќе игра надвор од Македонија

Доскорешниот играч на МЗТ Скопје, Андреј Магдевски експресно пронајде нова средина во која ќе ја продолжи оваа сезона.

Магдевски неочекувано се раздели со „штрковите“ пред неколку дена, ама не му требаше многу време за да сври нов лист и во иднина ќе настапува во холандија во тимот на Донар,

-Го избрав Донар бидејќи станува збор за голем клуб со одлична организација. Исто така сакам да играм за екипа со највисоки амбиции, моја цел е да му помогнам на тимот да победи на што повеќе натпревари, да освои што повеќе трофеи и навивачите да бидат среќни, -порача Андреј.

Најверојатно плејмејкерот своето деби во новиот клуб ќе го има против Будивељник во ФИБА Купот на Европа.