Поврзете се со нас

Италија

Познат е наследникот на Сари: Легенда на Јувентус ќе седне на клупата на Лацио

Објавено

на

Foto:twitter.com/OfficialSSLazio

Маурицио Сари одлучи да се раздели со калчолигашот Лацио по поразот од Удинезе на „Олимпико“, пораз број пет на последните шест натпревари (сите натпреварувања) на екипата од италијанската престолнина.

Искусниот стратег крена раце, поднесе оставка по што стана јасно дека клубот ќе мора да најде соодветна замена, човек кој ќе разбуди тимот во продолжението од оваа сезона во која Лацио освен во Серија А има обврски и во Купот на Италија.

Според последните информации од Апенините, нов тренер на „бјанкочелестите“ ќе биде некогашниот фудбалер на Јувентус, Сиена и Хајдук, Игор Тудор. Хрватот многу добро го познава италијанскиот фудбал, долго време беше активен како играч, потоа и работеше како стратег во неколку клубови како Удинезе и Верона, плус му беше асистент на Пирло во Јувентус.

Се работи за 18 месечен договор со важност до јуни 2025 година со опција за уште една сезона. „Скај Спорт Италија“ пренесува дека Игор ќе почне со работа по ова коло, односно против Фрозиноне составот ќе го води Џовани Мартушело.

Реклама
Реклама
Реклама

Популарни