Познат е наследникот на Обрадовиќ: Легендарен грчки ас седнува на клупата на Монако

Францускиот прволигаш Монако пред некое време се раздели со тренерот Саша Обрадовиќ и тоа пред се поради лошите изданија, резултати во домашното првенство, односно тоа беше основа клубот да се реши за промена и да побара ново решение за жешкото столче.

Тоа решение е пронајдено, па Џејмс, Окобо, Лојд, Диало и компанија ќе ги води легендарниот Василис Спанулис. Спанулис е еден од најдобрите европски плејмејкери во поновата историја, првите две деценении од 21 век, ас кој имаше супер успешна кариера како играч по што му се посвети на тренерскиот занает.

Тој успешно го води Перистери, резултати кои потоа му ја донесоа клупата на грчката репрезентација за да сега добие можност да го води Монако во наредниве две сезони, плус опција соработката да биде продолжена за уште една година.

Василис дебито на новата функција ќе го има против Панатинаикос, тим во кој своемвремено настапуваше како играч.