Повторно заедно: Конте го пречека омилениот напаѓач во Неапол

Италијанскиот трансфер гуру Џанлука Ди Марцио објави во петокот вечерта дека Челзи му дал зелено светло на Ромелу Лукаку да го финализира трансферот во Наполи.

Ди Марцио тврди дека предуслов е претседателот на клубот од Марадона, Аурелио Де Лаурентис да уплати 30 милиони евра на сметката на Челзи и остави на маса потсетување дека лондонскиот клуб има право на 30 отсто од приходот од следниот трансфер на 31-годишниот Белгиец.

Затоа, остана само формалност до финалната средба повторно меѓу Антонио Конте и неговиот омилен играч, со кој во две сезони заедно во Интер стигна до финалето на Лига Европа и потоа го освои „скудетото“.

Лукаку во текот на кариерата играше за многу тренери, но никогаш не беше толку „убиствен“ како што беше во тие две сезони со Конте. На 95 натпревари во црно-синиот дрес постигна 64 гола со 17 асистенции.