Повик од природата: Ѓоковиќ го прекрши правилото и истрча во тоалет уште во првиот сет (Видео)

Новак Ѓоковиќ без проблеми се справи со Шпанецот Карбалјес Баена и триумфално се врати на Аустралијан Опен, но уште во воведниот сет понуди и една урнбесна ситуација која ја збуни и главната судијка.

По се изгледа, Србинот доби повик од природата во петтиот гејм од првиот сет, па реши самостојно да ги заобиколи и прекрши правилата кои се пропишани од АТП.

Тенисерите имаат право да користат пауза за тоалет единствено по крајот на сетовите, или да побараат медицински тајм-аут, но Ноле немаше време за такво нешто и со голема брзина се упати во тоалетот.

Главната судија немаше големо разбирање за оваа ситуација и изврши голем притисок врз српскиот тенисер, па Ноле мораше брзо да ја завршува работата.

На крајот, Новак успеа навреме да се врати на теренот, а потоа без проблеми се справи со Шпанецот и се пласираше во втората рунда.

When you’ve got to go, you’ve got to go 🤷🏻‍♂️🚽@DjokerNole | #AusOpen pic.twitter.com/Oiid5meZ8Z

— Live Tennis (@livetennis) January 17, 2023