Поулсен по мајсторијата против Србија: Дадовме голови во совршени моменти…(ВИДЕО)

Данска не дозволи изненадување и ја оправда улогата на фаворит во соочувањето со Србија победувајќи со 2-0 на пресметката во Лигата на нации.

Србите пред неколку дена ремизираа со европскиот шампион Шпанија и тоа дефинитивно им донесе самодоверба, меѓутоа секоја средба е посебна приказна особено на страна и на терен како „Паркен“ каде Данците секогаш се екстра мотивирани и знаат да дојдат до значајни резултатите.

Двата гола на домаќините беа прекрасни, но вториот на Јусуф Поулсен беше далеку поатрактивен со оглед на тоа што беше постигнат со „ножички“.

-Почнавме добро во второто полувреме, беше одличен натпревар. Среќен сум поради голот. Неверојатен стадион. Сите се среќни. Многу важна и убава победа за нас. Добро ја контролиравме играта. Постигнавме голови во совршени моменти. Имавме неколку шанси, бевме добри на топка. Двете екипи беа уморни на крајот. Добро се заврши на крајот, -рече напаѓачот кој проговори и за дуелите со српските дефанзивци.

-Многу тешко. Големи момци, силни, не ми беше лесно. Сум играл со нив и порано, ништо ново за мене, -порача соиграчот на Елиф Елмас од Лајпциг.