Потврди зошто е најдобра на светот: Швјонтек ја грабна титулата на Ју-Ес Опен (ВИДЕО)

Најдобрата тенисерка на светот, Ига Швјонтек триумфираше на последниот грен слем за оваа календарска година Ју-Ес Опен.

Ига во завршниот меч во Њујорк се соочи со Онс Жабер и по една борба која траеше скоро два часа славеше со 2-0 во сетови. Полската тенисерка беше убедлива во првиот сет и истиот го доби со 6-2, но во вториот ситуацијата беше многу поинаква, Швјонтек и Жабер по двапати си го одземаа сервисот по што се отиде во тај-брејк кој понуди драма, неизвесност и заврши со 7-5 за фаворитката на овој меч.

Со ова Швјонтек дојде до третата грен слем титула, прва на оваа подлога со оглед на тоа што останатите две се на Френч Опен.

Воедно Ига со овој триумф ја продолжи одличната серија во финалните дуели, има одиграно 10 во кариерата и нема загубено ниту едно.

Iga Swiatek is the #USOpen champion! 🇵🇱 pic.twitter.com/e35EM9b7nv

— US Open Tennis (@usopen) September 10, 2022